Тамыздың үшінші жексенбісінде, 21-і күні елорда тұрғындары мен қонақтары Спорт күнін атап өтеді, деп хабарлайды қалалық әкімдіктің баспасөз қызметі. Рио-де-Жанейродағы жазғы Олимпиада ойындары жабылатын күні Астанада 21 спорттық шара ұйымдастырылады, соның ішінде көрнекі қойылымдар, шеберлік дәрістері, жарыстар бар.

Спорттық мерекенің шымылдығы 12 тамызда «Думан» ойын-сауық орталығында көркемдік гимнастикамен ашылады. Жалпы, спорт кешендерінде, сарайлар мен клубтарда өткізілетін жарыстарда 4 мыңға жуық адам бағын сынамақ.

19 тамыздаҒашықтар саябағында гір көтеру, армрестлинг, асық атуданбұқаралық спорт жарысы өтеді. Сонымен қатар, келушілер таэквондо, киокушинкай-кан каратэ, бодибилдинг және ауыр атлетикадан шеберлік дәрістеріне қатыса алады. Astana mall сауда ойын-сауық орталығында Латынамерикалық бағдарлама бойынша РФ танымал биші С. Беляев спорттық би билеуді үйретеді.

Бұдан басқа, мереке аясында еңбек ұжымдарының арасында футбол мен шағын футболдан жарыстар мен жолдастық матчтар өткізіледі.

20 тамызда шаңғы-роллерлік трассаның жанында «Балалар спортынан олимпиадалық шыңға дейін» акциясы өткізіледі, оған 200 адам қатысады деп күтілуде.

Ал 21 тамызда спорт мерекесі сағат 9.00 «Дәулет» спорт комбинатында аталып өтіледі.

Сондай-ақ, сағат 14.00 «Алау» мұз айдын сарайында Алаупиада, сағат 9.00 «Әкем, анам және мен – спорттық отбасы» ұранымен отбасылық жарыс ұйымдастырылады. Келушілер спорттық жарыстарға қатысып, сыйлыққа кішкентай Алаудың жұмсақ ойыншығын алады.