«
BalaTurkvizyon» халықаралық балалар байқауының финалы 18 желтоқсанда Түркияның Ыстамбұл қаласында өтеді.
Бұл туралы бүгін Орталық коммуникациялар қызметінде өткен баспасөз мәслихатында «ADAM Media Group» директоры Динара Адам айтты.
– «BalaTurkvizyon» халықаралық балалар байқауының финалы 18 желтоқсанда Түркияның Ыстамбұл қаласында өтеді. Бізге жеткен мәлімет бойынша оған түркі тілдес 20 мемлекет қатысады. Біздің балалардың әрқайсы осы байқауға арнап жаңа ән жаздырды. Жеңіске жеткен орындаушы өзінің әнін Түркия сахнасында орындайды, –дейді Динара Адам.
«BalaTurkvizyon- Қазақстан» ұлттық іріктеу кезеңі 8 маусым мен 8 тамыз аралығында еліміздің барлық аймағында өткен. Оған 8-13 жас аралығындағы 2000 бала қатысқан. Енді, қыркүйектің 19-20 күндері Бейбітшілік және келсім сарайында жартылай мен финалдық кезең өтеді. Балаларға арналған жаңа әндерді барлық көрермендер мен қазақстандық 16 эстрада жұлдызынан құралған қазылар алқасы таңдайды.
Қазылар алқасының төрайымы Әлия Назарбаева болмақ. Сондай-ақ Майра Мұхамедқызы, Қалқаман Сарин, Ренат Гайсин, Жанар Дұғалова, Арман Дүйсенов, Нұрлан Қаражігітов, Ринат Думанұлы бар.