Бүгін, 10 қыркүйекте Астанада Б. Момышұлы даңғылындағы Оқушылар сарайының жанында Алматы облысының ауыл шаруашылық тауар өндірушілерінің жәрмеңкесі өтіп жатыр, деп жазады қалалық әкімдіктің баспасөз қызметі.

Алматы облысы ауыл шаруашылық басқармасының басшысы Сексенбай Бекішевтің айтуынша, аймақ өндірушілері жәрмеңкеге 160 млн теңгеден астам соманың 370 тонна өнімін әкелді. Шараға өңірдің 16 ауданы мен үш қаласының өндірушілері қатысуда. Жәрмеңкеде азық-түлік өнімдерінің 38 түрі ұсынылған.

 — Өнімдер бағасы қаладағыға қарағанда арзанырақ, мұнда өндірушілердің өздері тікелей сатып жатыр, — дейді ­Бекішев.Астана қаласы ауыл шаруашылық басқармасының мәліметінше, жәрмеңкедегі азық-түліктердің бағасыжалпықалалық деңгейден 15-20% төмен.

Шараға адамдар көптеп келіп жатыр. Алматы облысының шығармашылық ұжымдары өз өнерлерін ортаға салуда.

Оқушылар сарайының жанындағы Алматы облысының жәрмеңкесі 11 қыркүйекке дейін жалғасады.