10 қыркүйек күні ҚР БҒМ Мектепке дейінгі және орта білім, ақпараттық технологиялар департаментінің және  «Отбасылық Тәрбиелеу Институттың» ұсынысымен елдегі жалпы білім беретін барлық мектепте бір уақытта «Өз балаңа үлгі бол. Бірінші сынып оқушыларының ата-аналарына психологиялық көмек» тақырыбындағы Республикалық ата-аналар конференциясын өткізу жоспарлануда, деп жазады bilimnews.kz.

Балалары алғаш мектеп табалдырығын аттайтын Республика бойынша 300 000 жуық ата-ана оның қатысушылары болады деп күтілуде. Қазақстанда ата-аналардың мұндай санын әлі ешкім жинап көрген емес.

Конференция  Қазақстан Республикасы Президенті Н.Ә.Назарбаевтың Жарлығымен белгіленген Отбасы күні өтеді. Бұл күн кездейсоқ таңдалған жоқ. Отбасы, отбасылық құндылықтар түрлі ұрпақты өзара байланыстырады, отбасы бірінші кезекте жаңа адамның дүниетанымын қалыптастырады. Сондықтан бұл әр мектептегі бірінші сынып оқушыларымыз өздерінің алғашқы қадамдарын нық адымдап, сонымен қатар ҰБТ тапсыруға кезеңді дайындықты бастап кетуі үшін де маңызды. Балалардың сәтті бейімделуі отбасы мен мектептің, ұстаздардың тығыз өзара әрекетінсіз, сондай-ақ өзара мүдделілігінсіз мүмкін емес.

Бұған қалай дұрыс қол жеткізу жайлы мектеп психологтары, оның ішінде,  Отбасылық Тәрбиелеу Институты төрт жыл бойы сәтті жүргізген, педагогтардың және мектеп психологтарының Отбасылық тәрбиелеу саласындағы біліктілігін арттыру бағдарламаларының түлектері айтатын болады. Институт әр мектепте бірінші сынып оқушыларының мектеп қабырғасында және үйде сәтті бейімделуі үшін, ата-анаға және ұстаздарға сенім, сый-құрмет пен тығыз өзара байланыс ахуалын жасауға көмектесетін Конференция сценарийін әзірледі.

Конференция қорытындыларының нәтижелері Отбасылық тәрбиелеу Институтының www.ife.kz ресми сайтында жарияланады.