Бүгін Алматы облысының әкімі Амандық Баталов Талдықорғандағы «Иман» мешітіне барып, жерлестерін Құрбан айтпен құттықтады.

Құттықтау сөзінде өңір басшысы әр үйге, әр отбасыға бейбітшілік, сәттілік, келісім мен бақыт тіледі.

 «Құрбан айтпен шын жүректен құттықтаймын. Бұл күн күллі әлем мұсылмандары үшін ұлы мереке! Бұл күні адамдар арасында өзара түсіністік, өзара сыйластық қалыптасады, тілектері, ойлары бір арнаға тоғысады», — деді Баталов. — Бұл қасиетті күндері барлығыңызға мықты денсаулық, бақыт, махаббат, бірлік, жаңа кәсіби жетістіктер тілеймін!».

Өңір басшысы атап өткендей, Қазақстан  тұрғындары елде бейбітшілік пен тұрақтылық болғанын қалайды. «Қазақстан қоғамының негізгі құндылығы —    ұлысаралық және конфессияаралық келісімді сақтауымыз  қажет», — деп сөзін түйіндеді ол.

Облыс әкімі айт намазына қатысып,  Құрбан шалды.