М. Өтемісов атындағы Оқушылар сарайында Астана қаласының Қазақстан халқы Ассамблеясы жастар қанаттарының арасындағы конкурста үздік бейнетаныстырылым анықталды. Конкурс «Үлкен мемлекет – Үлкен отбасы» жалпыұлттық жобасы аясында өткізіліп, Қазақстан Республикасы Тәуелсіздігінің 25 жылдығына арналды, деп жазады қалалық әкімдікьің баспасөз қызметі.

— Бүгінгі конкурстың мақсаты бірінші кезекте қоғамда этникааралық келісімді нығайту және жастарды Қазақстан халқы Ассамблеясының қызметіне тарту болып табылады, — дейді Астана қаласының ҚХА Хатшылығының меңгерушісі Ләззат Құсайынова.

Конкурсқа қатысушылар өз еңбектерінде этномәдени бірлестіктердің қызметі туралы әңгімелеп, өз халқының салт-дәстүрлерін көрсеткен.

Тоғыз этномәдени бірлестіктің жетеуі конкурстың екінші кезеңіне өтті. Атап айтқанда, «Радима» беларусь этномәдени орталығы» ҚБ жастар қанаты, Астана қ. корей қоғамдық бірлестігінің жастар қанаты, «Возрождение» неміс қоғамы» ҚБ жастар қанаты, «Таң» татар-башқұрт этномәдени бірлестігі» ҚБ жастар қанаты «Оберег» украин қоғамы» ҚБ жастар қанаты, «Өзбек этномәдени орталығы» ҚБ жастар қанаты және «Злата» болгар этномәдени орталығы» ҚБ жастар қанаты.

Қазылар алқасының шешімімен «Оберег» украин қоғамы» ҚБ жастар қанаты бірінші орын алды. Астана қ. корей қоғамдық бірлестігінің жастар қанаты екінші орында, «Таң» татар-башқұрт этномәдени бірлестігі» ҚБ жастар қанаты қола жүлдені қанағат тұтты. «Нұр Отан» партиясының Астана қалалық филиалы төрағасының орынбасары Владислав Сергеев конкурсқа қатысқан Қазақстан халқы Ассамблеясы жастар қанаттарының елеулі еңбегін ерекше атап өтті.