Ағымдағы жылдың 10 қыркүйегінде «Төлемдер және төлем жүйелері туралы» Қазақстан Республикасының Заңы күшіне енді. «Мемлекеттік білім беру жинақтау жүйесі туралы» заңына сәйкес жасалған білім беру жинақтау салымы жөніндегі шарт бойынша клиенттің банктік есеп-шотындағы қаражатын өндіріп алуды жүргізуге жол берілмейді.
Мемлекеттік білім беру жинақтау жүйесі аясында Қазақстан Республикасының азаматтары болашақта кәсіптік, жоғары және жоғары оқу орыннан кейінгі білім алу үшін оқудың ақысын төлеуге жұмсауға болатын ұзақ мерзімді салым аша алады.
Бұл салымға банктен сыйақы (14%) және жыл сайын мемлекеттен сыйлықақы (5-7%) есептеледі. Мемлекет сыйлықақасының мөлшері – жылдық 5%, басымдылықты санаттағы балалар: жетім балалар, мүгедек балалар, аз қамсыздандырылған, көпбалалы отбасылардағы балалар үшін – жылдық 7%.
Бала мемлекеттік білім грантына ие болған жағдайда барлық жинақталған қаражат толығымен салымшының иелігіне өтеді.