28 қыркүйекте «Жастар» сарайында 10-шы бос жұмыс орындары жәрмеңкесі өтеді. Шара барысында 50 жуық жұмыс беруші бос жұмыс орындарын ұсынатын болады, деп хабарлайды қалалық әкімдіктің баспасөз қызметі.

Жәрмеңке сағат 10:00 басталып, сағат 13:00 дейін жалғасады.

Шараға қатысушылар әлеуетті жұмыс берушілермен сұхбаттасып, жұмысқа орналасу мүмкіндігіне ие болады, сондай-ақ, қайта даярлау мен жаңа кәсіпті меңгеру туралы ақпаратпен танысады.

Айта кетейік, бұған дейін өткізілген 9 жәрмеңкенің қорытындысы бойынша жұмыссыз жүрген 307 азамат жұмысқа орналастырылды.

Жыл соңына дейін тағы да екі бос орындар жәрмеңкесін өткізу жоспарланған.