Бүгін «Нұр Отан» партиясы Төрағасының Бірінші орынбасары М.А.Құл-Мұхаммед Оңтүстік Қазақстан облысына жұмыс сапарымен келді, деп хабарлайды ОҚО әкімінің баспасөз қызметі.

Сапары барысында Мұхтар Құл-Мұхаммед «Нұрлы жол» бағдарламасы аясында салынып жатқан 5 қабатты тұрғын үй құрылысы мен «Достық» шағын ауданындағы 1200 орындық мектептің құрылысын аралап көреді.

Партия Төрағасының Бірінші орынбасары сонымен қатар, көкөніс өндірумен айналысатын еліміздегі ең ірі жылыжай кешенінің жұмысымен және «Оңтүстік» индустриалды аймағында орналасқан  шыны бұйымдарын шығаратын «ЕвроКристалл» зауытына барады деп жоспарлануда.

Оңтүстік Қазақстан облысына жасаған сапарында Саяси ұйым басшысы «Нұр Отан» партиясы Оңтүстік Қазақстан облыстық филиалының кезектен тыс ХХІХ конференциясына қатысып, өңірдегі жастармен кездесіп пікір алмасуы көзделуде.