Елордада жылыту маусымы штаттық режимде өтуде. Қаланың қуат көздерінде тәулігіне 12 909 Гкал жылу және 8 968 мың кВт электр энергиясы өндіріледі, деп хабарлайды қалалық әкімдіктің баспасөз қызметі.
Үстіміздегі жылдың 1 қазанынан 8 қарашасына дейінгі кезеңде «Астана — Энергия» АҚ І дәрежедегі апаттар мен орындамаулар тіркемеген. Отынның 20 тәуліктік қоры бар, бұл нормативке сай келеді. Сондай-ақ, әр айға бөлінген 2016 жылға арналған көмір жеткізу кестесі бекітілді. 2017 жылы қатты отын жеткізу бойынша келісімге алдағы айда қол қойылады. Режим картасына сәйкес жылу желілеріндегі температуралық режим сақталып отыр.
Айта кетейік, қолданыстағы заңнамаға сәйкес, жылыту маусымы басталмай тұрып кәсіпорындарда штаттан тыс жағдайларды жою үшін материалдар мен қосалқы бөлшектердің апатты қоры құрылған.