Астана қаласының әкімдігі мен «Қазақ қызы» қоғамдық ұйымының ұйымдастыруымен Қазақстанның табысқа жеткен танымал әйелдерімен кездесу өтті.

Жас арулар «Нұрлы жол, гүл ару» тұлға әлеуетінің көшбасшыларымен кездесіп, табысқа жетудің сыры жайлы сауалдарын жолдады. Шара мақсаты – елордамыздың жас аруларының мәдени-адамгершілік тәрбиесінің жоғарлауына үлес қосу, олардың жеке рухани әлеуетінің дамуына, ұлттық тәрбие қағидаларының қайта жандануына ықпал ету. Жас қыздар еліміздің ең беделді, табысты аруларына сұрақтар қойып, кеңес алуға мүмкіндік алды.