Оңтүстік Қазақстан облысы Кентау қаласына қарасты Хантағы ауылында «Қазақстанда жасалған» тауарларды тұтыну акциясы ұйымдастырылып, басшылық тарапынан түсіндіру жұмыстары жүргізілді, деп хабарлайды қала әкімдігінің баспасөз қызметі.

2015 жылдың 11 ақпанында өткен Үкіметтің кеңейтілген отырысында ҚР Президенті Нұрсұлтан Назарбаев отандық өндірушілерді қолдауға шақырған болатын. Онда Елбасы «Қазақстанда жасалған» жалпыұлттық акциясын бастауды ұсынған еді. Акция барысында сауда желілерінде сатылатын қазақстандық өнімдер көзге бірден түсердей ерекше көрсетіліп қойылады. Отандық өндірушілердің тауарын сатып алғысы келетін азаматтарға бұл өте қолайлы.

«Барлық қазақстандықтарды, бүгінгідей қиын жағдайда, біздің, қазақстандық тауарларды сатып алуға шақырамын. Бұл Қазақстан экономикасына қосқан үлесіміз деп білейік», деген болатын Мемлекет басшысы.

Елбасы сөзінде отандық өнімдер дүкендерде, базарларда, сауда орталықтарында алыстан менмұндалап, басқалардан ерекшеленіп тұруы тиіс екендігін айтты. Яғни олар тұтынушылардың қызығушылығын арттыруы қажет. Бұл акция Кентау қаласына қарасты Хантағы ауылы дүкендерінде де жалғасты.

Хантағы ауылы әкімі аппаратының бас маманы С.Абирова «Жастар ресурстық орталығының» инспекторы Н.Шалаев дүкендерге кіріп ауыл тұрғындарына «Қазақстанда жасалған» азық-түліктермен таныстырып, Қазақстан тауарларын сатып алуға шақырды.