Астанада «Ынтымақты Қазақстан» конкурсы өтеді, шараны Астана қаласының Дін істері басқармасы Дін мәселелерін зерттеу орталығымен бірлесіп ұйымдастырады, деп хабарлайды қалалық әкімдіктің баспасөз қызметі.

Қатысушылар белсенді өмірлік ұстанымды көрсететін бейнешығармаға сценарий жазып, деректі фильм түсіруге, мақала жазуға, жарқын постер сала алады.

Байқау ең үздік мақала, ең үздік плакат, постер, ең үздік бейнешығарма немесе сценарий, ең үздік балалар суреті атты төрт номинация бойынша өтеді.

Конкурсқа қатысуға өтініштер қарашаның 28-інен желтоқсанның 16-сына дейін қабылданады.

Ұйымдастырушылардың ақпаратына сәйкес, авторлық жобаларда  әрбір адамның бақытты және бейбіт мемлекетте өмір сүру, экстремизм мен терроризмнің деструктивті құбылыстарына жол бермеу тілегі ретінде ынтымақты қазақстандық қоғамның құндылықтары, конфессияаралық келісімнің тұғыры көрініс табуға тиіс.

Толық ақпарат алу үшін +7 702 482 11 61; 55 04 42 телефондарына немесе baiqau@mail.ru электронды мекен жайына хабарласуға болады.