Ақтөбеде төртінші мәрте жаңа аула клубы ашылды. 11-шағын ауданда орналасқан орталық «Шаңырақ» деп аталатын орталықта 10 үйірме бар. Ашылу салтанатына облыс әкімі Бердібек Сапарбаевтың өзі қатысты, деп хабарлайды Ақтөбе жаңалықтары.

Билеп, ән айтқызып үйрететін клубта балалар үшін театр үйірмесі, музыкалық аспаптар үйірмесі де жұмыс істейді. Үйірмелерге 1300 бала келе алады. Ғимараты жөндеуге бюджеттен қаражат бөлінген.
Аула клубы Мәскеу, Құрмыш және 11-ші шағын ауданның балалары үшін қолайлы, жақын орналасқан. «Шаңырақ» аула клубының тағы бір филалы Бұған дейін «Нұр Ақтөбе» ауданында ашылған болатын. Оған қазір 148 бала барып жүр.
— Бұндай клубтарды ашу арқылы біз баланы өз өміріне жауапты тұлға етіп үйретеміз. Әр баланың бойындағы дарынды қасиеттерді дамытуға септігімізді тигіземіз. Мектептен тыс уақытта балалар аула клубтарындағы жақсылықтарды көреді, жаңа достар табады, — дейді «Шаңырақ» аула клубының директоры Жанаргүл Досова.