Астанада денсаулық сақтау және білім беру нысандарының қарқынды құрылысы жалғасуда, деп хабарлайды қалалық әкімдіктің баспасөз қызметі.
Елорданың Денсаулық сақтау басқармасының ақпаратына сәйкес, Тәуелсіздіктің 25 жылдығы аясында үстіміздегі жылдың соңына дейін үш денсаулық сақтау нысанының құрылысын аяқтау жоспарланған: 500 төсек-орынға арналған туберкулезге қарсы диспансер (Железнодорожный тұрғын алабының солтүстік-шығысында), сот-психиатриялық сараптама бөлімі, жедел медициналық жәрдем станциясы (тәулігіне 274 шақыруға бару).