Бүгін елорда әкімдігінде Қазақстан Республикасы тәуелсіздігінің 25 жылдығына арналған салтанатты шара өтті. Шараға ҚР Қаржы министрі Бақыт Сұлтанов, қоғамдық кеңес өкілдері, кәсіпорындар озаттары, бюджеттік сала өкілдері мен бизнес қоғамдастық өкілдері қатысты, деп хабарлайды қалалық әкімдіктің баспасөз қызметі.

Мемлекет басшысының жарлығымен қала басшысы қоғам қайраткерлеріне, мемлекеттік қызметкерлер мен түрлі сала өкілдеріне елорданың әлеуметтік-экономикалық дамуына, мәдени және этникааралық келісімді нығайтуға елеулі үлес қосқан азаматтарға марапаттар табыстады.

Екінші дәрежелі «Айбын», «Парасат», «Құрмет» белгісі, «Еңбек ері» ордендері, «Ерен еңбегі үшін», «Шапағат» және т.б. медальдар табысталды. Марапатталғандардың қатарында әкімнің орынбасары Андрей Лукин, Астана қаласының мәдениет, мұрағаттар және құжаттама басқармасының басшысы Болат Мажағұлов, Астана ІІД ЖПҚ басшысы Бақытжан Малыбаев, актер Ерік Жолжақсынов және т.б. бар.

«Астана қарқынды дамып келеді, көптеген күрделі шешімдер қабылданды. Біздің арамызда сол уақытта түрлі салаларда еңбек етіп, мемлекеттік қызметтің жұмысына үлес қосып, басқармаларда, коммуналдық шаруашылықтарда, бизнесте және әлеуметтік қызметте жұмыс істеген азаматтар бар екенін білемін. Қаламыздың бүгінгі келбеті сіздердің еңбектеріңіздің арқасы деп есептеймін, сол себепті бүгін біз қаланың дамуына үлес қосқан азаматтарды марапаттап отырмыз», — деп қорытындылады Әсет Исекешев түрлі мамандық пен қызмет салаларының өкілдерін марапаттай отырып.