Осы аптада «Астана – мейірімді қала» акциясы аяқталады. М. Горький атындағы Мемлекеттік академиялық орыс драма театры «Балам-ай» ҚҚ, №65 мектеп-гимназиясы, Астана қаласының мүгедек балалар қоғамы, «Балалар қоры» ҚҚ, Онкология және трансплантология Ұлттық ғылыми орталығы бүлдіршіндеріне қайырымдылық ертеңгілігін өткізеді, деп хабарлайды қалалық әкімдіктің баспасөз қызметі.

Сондай-ақ «Астана – мейірімді қала» акциясы аясында әлеуметтік жағдайы төмен отбасылардың балалары үшін 100 және онкологиялық ауруды емдеу курсынан өткен 50 балаға орындар бөлінген.

Көрсетілім 22 желтоқсаннан 6 қаңтарға дейін күнде сағат 10:00 және 15:00-де өтеді. Шарада Аяз ата мен Ақшақар, сондай-ақ, ертегі кейіпкерлері қатысатын бағдарлама қарастырылған. Келген қонақтар үшін түрлі ойындар, сайыстар және мерекелік безендірілген шырша айналасындағы билер болмақ. Көрермендер залында келгендерге арналған флешмоб және интерактивті ойындар ұйымдастырылады. «Незнайка және оның достарының оқиғалары» атты жаңажылдық ертегінің көрсетілімі өтеді. Гүл қалашығының көңілді тұрғындары басты кейіпкер Незнайка және оның досы – білгір Знайкамен бірге қиял әлемін саяхаттайды.