Мамандандырылған балалар үйінде жаңа жылға орайластырылған мерекелік шара өтті. Оған «Алматы» қаласы әкімінің орынбасары Асқар Есілов, қалалық мәслихат депутаттары Аман Аюпов пен Ирина Манжанова қатысты. Шара барысында балалар ән айтып, би биледі, тақпақтар айтты, деп хабарлайды қалалық әкімдіктің баспасөз қызметі.

Өз кезегінде, қонақтар балаларға жаңажылдық сыйлықтар тарту етіп, көтеріңкі көңіл күй сыйлады.

Бұдан басқа, Балалар психоневрологиялық медициналық-әлеуметтік мекеменің тәрбиеленушілеріне де жаңажылдық сыйлықтар таратылды.

Жаңа жыл қарсаңында елордалық ТЖ департаментінің қызметкерлері қаланың балалар үйінің тәрбиеленушілері үшін шырша мерекесін ұйымдастырды. Балаларға мерекелік сыйлықтар табысталды. Үш күн бойы жүргізушілер мен аниматорлар 150-ден артық балаға көтеріңкі көңіл күй сыйлайтын болады.