Қазақстан Республикасының Қарулы Күштерінде әскерде танымал және жүректен орын тапқан жыл сайынғы «Жас ұлан» әскери әндер фестивалі өтіп жатыр. Фестивальдің гала-концерті ағымдағы жылдың қазан айының соңында өтеді.
Жыл сайын фестиваль 4 айналымда өткізіледі: 1 айналым – рота-батальон буынында, ІІ айналым – батальон-бригада буынында, ІІІ айналым – ҚР ҚК өңірлік қолбасшылықтарында, әскер тектері мен түрлерінде өтеді.
Байқау шарттары мыналар болып табылады: әскери тақырыптағы, қазақстандық сазгерлердің немесе орындаушылардың шығармасын, жеке (авторлық) музыкалық шығармаларды, фольклорлық жанрдағы туындыны орындау.
«Жас ұлан» әскери әндер фестивалі 1997 жылдан бастап әскерге дейінгі жастағы, әскер жасындағы және армиялық жастарды, ҚР ҚК келісімшарт бойынша әскери қызметшілерін, қызметкерлерін және әскери қызметшілердің отбасы мүшелерін әскери-патриоттық тәрбиелеу бойынша жұмысты жандандыру, көркемөнерпаз армиялық орындаушылар мен ұжымдардың шығармашылық өсуіне қолдау көрсету мақсатында өткізіліп тұрады.
