Ауыр атлетикадан сан мәрте чемпион атанып жүрген қазақстандық танымал спортшы Илья Ильин өзінің анасын туған күнімен қазақ тілінде құттықтады.
Спортшы құттықтау сөздерін «Инстаграм» әлеуметтік желісінде жариялады.
«Өз үйім, өлең төсегім» деген. Үйде түн ұйқысын төрт бөліп, аялы алақанымен әлпештеп өсірген анашым әрқашан мен үшін алаңдап, уайымдап отырады. Өйткені біз қанша ұлы болсақта, аналар үшін әрқашан бала боп қала береміз. Анасы бар адамдар, ешқашан қартаймайды. Анашым мен сені өте қатты жақсы көремін!»
Осы арқылы спортшы анасына да, Отанына деген де махаббатын көрсетіп отыр. Әрі талай қазақстандықтар үшін үлкен үлгі болып отыр.