«Тіл — тұтастық кепілі». Осындай атаумен республикалық ведомствоаралық байқау өтті.
Мәдениет және спорт министрлігі мен Бас прокуратураның мұрындық болуымен ұйымдастырылған шарада құқық қорғау және әскери орган өкілдері бақтарын сынады. Нақтырақ айтсақ, Жоғарғы сот, Бас прокуратура, Мемлекеттік қызмет істері және сыбайлас жемқорлыққа қарсы іс-қимыл агенттігі, Мемлекеттік күзет қызметі, Қорғаныс министрлігі өкілдерінен құралған командалар бәйгеге түсті.
Мемлекеттік тілдің мәртебесін асқақтатын байқау биыл екінші рет өтуде. Додада әр топ патриоттық тақырыптағы әндерді айтып, «Қазақ хандығының 550 жылдығына» арналған көріністер қойылды.
Толқын Исакова, ҚР Мәдениет және спорт министрлігі Тілдерді дамыту және қоғамдық саяси жұмыс комитетінің басқарма басшысы:
— Біздің республикамызда өздеріңіз білесіздер, негізгі күш құқық қорғау органдары болғаннан кейін осындай органдарды жинастырып, біз сол мекемелердің арасында тілді насихаттауға байланысты өткізіп отырған жағдайымыз бар.