«Қайсар» және «Найза» — ең таңдаулы ангус асыл-тұқымды аталық бұқалар Астанада 27-29 қазан аралығында өтетін «KazFarm-2015» Мал шаруашылығы және ет пен сүт өнеркәсібінің халықаралық көрмесінің шеңберінде таныстырылатын болады, деп хабарлайды «ҚазАгро» АҚ-ның баспасөз қызметі.
Асыл тұқымды жануарлар елордаға Қостанай облысы Арқалық қаласының «Нұр-Жайлау НС» ЖШС әкелінді.
«ҚазАгро» ұлттық холдингінің құрылымындағы компания – «Қазагромаркетинг» АҚ Қазақстанда асыл тұқымды малды сатудың қазіргі заманғы құралын насихаттау жөніндегі пионер болып табылатынын атап өту қажет.
2011 жылдан бастап «ҚазАгроның» еншілес ұйымымен Ақмола, Қостанай және Павлодар облыстарында, сондай-ақ Астана қаласында 10 аукцион ұйымдастырылды. Барлығы жалпы құны 427 250 000 теңгеге 696 бас асыл тұқымды ірі қара мал сатылды.
Қазіргі уақытта аукциондар Солтүстік Қазақстанда да кеңінен таралды. «Қазагромаркетинг» АҚ сарапшыларының айтуынша, аукциондар асыл тұқымды төлдерді сатып алудың демократияшыл тәсілі болып табылады, ол сатып әлеуетті алушыларға малдарды көзбе-көз бағалауға және олардың нақты нарық бағасын анықтауға мүмкіндік береді. Бұдан басқа, 2013 жылдан бастап өтетін қазақы ақ бас және әулиекөл тұқымды ІҚМ сату бойынша «KARASU Farm-2015» аукционы сияқты дәстүрлі жыл сайынғы іс-шаралар да болып тұрады.