Облыстық департамент басшысының орынбасары Мират Қабылов Ішкі істер министрі Құлмұханбет Қасымовтың атынан журналистерді құттықтады. Огни Алатау газетінің тілшісі Александр Склабовский мен Жетісу телеарнасының журналисті Антон Хатеновский кеуделеріне төсбелгі тақты. Облыстық телеарна эфиріндегі «Служба спасения» бағдарламасының бейнеинженері Александр Беловқа алғыс хат табысталды.
Департамент мамандары журналисттермен кездесу барысында Алматы облысы бойынша соңғы бес жылда төтенше жағдайлардың азайғандығын айтты. Жиналғандар мұндай көрсеткіш комитет пен БАҚ өкілдерінің бірлесе атқарған жұмысының нәтижесі екеніне сенімді. Облыстық газеттерде жарияланған мақалалар мен телеарна эфиріндегі бағдарламада төтенше жағдайлардың алдын алу жайлы кеңестер бар.
Антон Хатеновский, «Жетісу» телеарнасының тілшісі:
— Біздің ең бірінші мақсатымыз төтенше жағдайлардың алдын алу болып табылады. Біз жұмыс кезінде жол апатына түскен кездеріміз болды. Тіпті өрт болып жатқан кезде жұмыс істедік. Бұндай қайғылы жағдайларды Алматы облысының, Республиканың тұрғындарына телебағдарлама арқылы көрсетуге тырыстық. Біздің телекөрермендер бағдарлама арқылы төтенше жағдайлар кезіндегі қарапайым кеңестерді естеріне сақтап алды деп ойлаймын.