1945 жылдың 29 қазаны мен 10 қарашасы аралығында Лондонда өткен Бүкіләлемдік жастар конференциясында Бүкіләлемдік демократиялық жастар федерациясы (БДЖФ) құрылған болатын.

Сол кезден бастап 10 қараша Бүкіләлемдік жастар күні ретінде белгіленді. Тұңғыш рет мереке 1957 жылы өткізілді.

Жастар ұйымының халықаралық бірлестігі — бұл саяси, діни көзқарастары, нәсілдік және ұлттық тиістілігі әртүрлі жастарды біріктіретін халықаралық демократиялық жастар қозғалысының орталығы.

БДЖФ бейбітшілік, жастар құқығы, халық тәуелсіздігі, прогрессивті жастардың ұлттық бірігуі, құлдыққа, фашизмге және нәсілдікке қарсы күрес жүргізеді.