Спорт — денсаулық кепілі. Алматы облысында халықтың 30 пайызы бұқаралық спортпен шұғылданады екен. Бұл көрсеткішті арттыру үшін аудан орталықтары ары мен ауылдарда спорт нысандарын арттырудың маңызы зор. Сондай бір спорт кешені Есік қаласында ашылды. Енді есіктегі ересектер де, жастар да жаңа ғимаратта спорттың 11 түрімен белсенді айналысуына мол мүмкіндіктері бар.
Спорт сарайын салу үшін үкімет бюджетінен 470 млн. теңге қаржы бөлінген. Стадион мен жүгіру алаңын қоса есептегенде кешеннің жалпы аумағы 2,3 гектар. «Спорт сарайында денешынықтырып, спорттың сан түрімен шұғылдануға бар жағдай жасалған». Ашылу рәсімінде сөз сөйлеген аудан әкімі Бинәлі Ысқақ осы жайттарға тоқталды. Спортты серік еткен жандарға түрлі жарыстарда жеңіс тіледі. Ел спортына елеулі үлес қосқан спорт ардагерлерін марапаттады. Сонымен бірге ата-ана қамқорынсыз қалған 25 жасөспірімге «Өңірлерді дамыту 2020» бағдарламасы арқылы Қарасай ауданында салынған «Асыл Арман тұрғын үй кешенінен 25 пәтердің кілттерін табыстады.