18 қарашада сағат 12.00-де №1 қалалық аурухана базасында Дүниежүзілік созылмалы обструктивті өкпе ауруларына (СОӨА) қарсы күрес күні өтеді.
Шара барысында елордалық белгілі пульмонолог дәрігерлер науқастарға тегін кеңес беріп, дәрігерлер үшін дәріс оқиды.
Астана қаласы әкімдігі баспасөз қызметінің мәліметінше, кеңес алуға және дәріс тыңдауға қызығушылық танытқандарға №1 қалалық емханаға тегін жол жүру ұйымдастырылған.
Автобустар келесі медициналық мекенжайлардан қатынайды:
1) №5 қалалық емхана (Ақан сері көшесі, 20) 11.00ден 11.30-ға дейін;
2) №4 қалалық емхана (Шевченко көшесі, 1) 11.00ден 11.30-ға дейін;
3) «Шапағат» АМСК Орталығы (Абылай хан даңғылы, 30) 11.00-ден 11.30-ға дейін
Аталмыш акцияның мақсаты – ауру туралы мәліметтерді кеңінен арттыру, науқастарға көрсетілетін көмекті жақсарту. Сонымен бірге темекіге тәуелділіктің таралуын төмендетуге әсер ету, темекіге қарсы күреске халықтың барлық топтарын тарту, темекі шегудің алдын алу және темекінің ағзаға зиянды әсері туралы қоғамды ақпараттандыру болып табылады.