Биыл Алаштың арда азаматы, көрнекті мемлекет және қоғам қайраткері Мұстафа Шоқайдың туғанына – 125 жыл. Осыған орай, ҚР Ұлттық академиялық кітапханасы Саяси қуғын-сүргін құрбандарының «АЛЖИР» мемориалды мұражай кешенімен біріге отырып,  20 қараша күні сағ. 15-00-де «Мұстафа Шоқай – мәңгілік ғұмыр» тақырыбында еске алу кешін өткізеді.

Іс-шараға ҚР Сенат депутаттары Мұрат Мұхамедов, Жабал Ерғалиев, ҚР Мәжіліс депутаты Алдан Смайыл, ф.ғ.д, профессор Тұрсын Жұртбай, ақын, «Алаш» сыйлығының иегері Серік Тұрғынбекұлы, жазушы Қойшығара Салғараұлы, жазушы Табыл Құлияс, журналист, ҚР Мәдениет қайраткері Ақайдар Ысымұлы, Мұстафа Шоқайдың ұрпақтары Пенсекүл Бәйшіқызы, техника ғылымдарының докторы, профессор Мейірбек Молдабекұлы және т.б. тарихшы ғалымдар мен ақын-жазушылар қатысады.

Іс-шараға Мұстафа Шоқайдың өмірі мен шығармашылығына арналған «Алаштың алып тұлғасы» тақырыбында кітап көрмесі жасалады, «Мұстафа мен Әлихан» деректі фильмінен үзінді көрсетіледі.