Бүгін Астанадағы Тәуелсіздік сарайында Қазақстан Президенті Нұрсұлтан Назарбаев келер жылға арналған кезекті Жолдауын жариялады. Президент халықты елімізде шығып жатқан отандық өнімдерді қолдауға шақырды.
«Қазақта «Заманын қандай болса, дамбалын сондай болады» деген сөз бар. Сондай-ақ «Заманын түлкі болса, тазы болып шал» деген мәтел бар екенін жақсы білесіздер. Сондықтан заманға сай бейімделуіміз керек. Бізге ешкім тауарларын да бермейді. Қондырғыларын да бермейді. Жаңағыдай елімізде шығып жатқан отандық өнімдерді қолдап жіберетін болсақ, тауарларын жылдан-жылға көбейтер еді. Сапасы да жақсаратын болады. Мұндай қолдау әр облыста, қалада, ауданда болу керек. Барлық дүниежүзілік брендтер солай шыққан. Әйелдер киіп жүрген брендтер киімдерді алғашында орамал тоқудан бастаған. Қазір дүние жүзіне белгілі «Шанель» сияқты брендтердің барлығы осындай қарапайым орамал тоқудан бастаған. Қыздар мұны жақсы біледі», – деді мемлекет басшысы.
Айта кетейік, биылғы Елбасының жолдауының тақырыбы – «Қазақстан жаңа жаһандық нақты ахуалда: өсім, реформалар, даму» деп аталады.