Алматы облысында «Нұрлы жол» бағдарламасы аясында Батыс Европа – Батыс Қытай» жобасы бойынша 304 шақырым жолдың құрылысы жүргізілуде. Биылғы жылы соның 150 шақырымы салынып бітеді. Бұл туралы Алматы облысының әкімі А.Баталовтың қатысуымен ҚР Президенті жанындағы Орталық коммуникациялар қызметінде өткен брифингте белгілі болды.

264,8 шақырым «Алматы-Өскемен» автомобиль жолының 115 шақырымы 2015 жылы қолданысқа беріледі.

Сонымен қатар «Ақ бұлақ» тау-шаңғы курортына жеткізетін «Бірлік-Ақбұлақ» автомобиль жолының құрылысы да жүргізілуде.

305 шақырым жол төсемінің жөндеу жұмыстарына облыстық бюджеттен 11,2 млрд. теңге қаражат бөлініп, 220 елді-мекеннің ауылішілік жолдарын да жөндеу қарастырылған.