16 желтоқсан – ата бабамыздың арманы орындалып, жасампаздығымызды жаңа белеске көтерген Тәуелсіздік күні.

1991 жылғы 16 желтоқсанда ҚР Тұңғыш Президенті  Нұрсұлтан Назарбаев қолын қойған Конституциялық Заңнан бастау алған тәуелсіздігімізге биыл 24 жыл толды.

Астана қаласында жыл сайын бұл мереке ерекше аталып өтеді. Биыл да бірқатар іс-шаралар өтетін болады.

10 желтоқсаннан 16 жетоқсанға дейін сағат 16.00-де Тәуелсіздік мерекесімен Астаналық цирктің 10 жылдығына орай Цирктік қойылым өтеді.

15 желтоқсанында «Тәуелсіздік сарайы» МКҚК көрме залында ҚР Тұңғыш Президент күні мен ҚР Тәуелсіздік күніне арналған, белгілі суретші-дизайнер, Қазақстан Суретшілер одағының мүшесі Ахметжанова Райгуль Абдырахымовнаның «Ұлы дала өнері» атты көрмесі өтеді. Бұл шара «Global Art» арт-корының ұйымдастыруымен «Қазақстан Еуразия жүрегінде» атты көрмемен жалғасады.

«Алау» мұз сарайында Тәуелсіздік күні мерекесі аясында 16 және 17 желтоқсан күндері сағат 9:00-ден 23:00-ге дейін жаппай сырғанау күндері өтеді.

16 желтоқсан күні 17.00 –де Конгресс Холда танымал эстрада жұлдыздарының қатысуымен «Ән мен әнші» концерті өтеді.

«Астана Опера» Мемлекеттік опера және балет театрында 16 желтоқсан күні кешкі сағат 18.00-де «Өнерім саған-Тәуелсіз Қазақстаным» атты мерекелік концерт өтеді.

Қ. Қуанышбаев атындағы Мемлекеттік академиялық қазақ музыкалық драма театрында 17 желтоқсан сағат 18.30-да  М.Әуезовтің «Қараш-қараш» повесінің оқиғасы сарыны бойынша жазылған екі актілі әлеуметтік драмасының қойылымы болады.

«Хан Шатыры» ойын-сауық және сауда-саттық орталығында 16 желтоқсан күні жастарға арналған би кеші өтеді.

Дәл осы күні «Қазақстан» орталық концерт залында әнші Төреғали Төреәлінің «Үлы дала баласы» атты концерті өтеді.

17 желтоқсан күні Конгресс Холда «Шаншар» әзіл-сықақ театрының шығармашылық кеші өтеді.