Елімізде Қазақстан-Германия аграрлық академиясы ашылады. Бұл оқу орны ауыл шаруашылығы саласының мамандарын немістің дуальді білім беру жүйесі бойынша дайындайтын болады.
Ал білім беру жұмыстарына Германияның «DEULA» академиясының сарапшылары қатысады. Бұл академия білім беру ісінің үздігі. Осыған орай Германияның Нинбург қаласында ынтымақтастық жөнінде екіжақты меморандумға қол қойылды.
Германияда ауыл шаруашылығы да жақсы дамыған. 150 жылдан бері мамандар даярлауда дуальді білім беру жүйесін қолданып келеді. Ол методиканың арқасында жас маман теория мен тәжірибені қатар алады. Міне, дәл осындай жаттығу алаңдарында болашақ аграрлар білімдерін шыңдайды. Бұл жерде күн райы мың құбылады. Осының арқасында студенттер егістікте қолайсыз ауа райы бола қалса қандай технология қолдану керектегін үйренеді. Енді біздің студенттер де дәл осындай тәсілмен білім алатын болады.