Facebook әлеуметтік желісінің негізін қалаушы Марк Цукерберг 2016 жылы үйде, жұмыста көмектесетін жасанды интеллект құруды жоспарлады.
«2016 жылы мен алдыма қарапайым жасанды интеллект құру мақсатын қойдым, ол үй іші істерін басқарып, маған жұмыста көмектесер еді. Мысалға, «Темір адамдағы» Джарвис тәрізді», — деп жазады Цукерберг әлеуметтік желідегі өз парақшасында.
Цукерберг жасанды интеллектіні құруды бүгінгі күні бұл саладағы технология қандай жетістікке жеткенін зерделеуден бастауды жоспарлауда.
«Бұдан кейін біздің үйдегі барлық нәрсені — музыканы, жарықты, температураны және басқаларын басқаруы үшін мен оны дауысымды түсінуге, менің достарым есікке қоңырау шалғанда, олардың бет-әлпетін тануға үйретемін», — деп жазды Цукерберг.
Сондай-ақ жасанды интеллект оған сервистер және жаңа жобалар жасауға көмектесуі тиіс.
Facebook басшысы әр жыл сайын өзінің алдына жаңа міндеттер қойып отырады. Мысалға, өткен бірнеше жылдары ол айына кемінде екі кітап оқуға, солтүстік қытай тілін үйренуге және әр күні жаңа достар табуға уәде берген болатын. Оның айтуынша, жаңа басталған жылдың тақырыбы «жасанды көмекші» ойлап табу болмақ.