Қазақстандық режиссер Медет Шаяхметов халықаралық Sedona кинофестиваліне шақыру алды. Бұл шара осы жылдың 20-28 ақпан аралығында АҚШ-та өтеді.

Бұл туралы режиссердің PR-менеджері Арнай Ормаш хабарлайды.

Кинофестиваль аясында Медет Шаяхметов өзінің алғашқы қысқаметражды Escape фильмін ұсынады. Медет бұл картинаны New York Film Academy-де оқып жүрген кезде түсірген.

«Өкінішке орай, фильмді әзірше Желіден көре алмайсыздар. Бұл −байқау талаптарының бірі. Фильмді Қазақстанда көрсеткім келеді. Көктемге таяу келе аламын деп ойлаймын. Фильмім көрерменге ұнайды деп үміттенемін. Картина өмірдегі болып жатқан мәселелер жайлы», − деді Шаяхметов.