Қалибек Қуанышбаев атындағы академиялық қазақ музыкалық драма театры «Күн сәулесі түспеген» психологиялық драмасы көрермендерге тарту етеді.

Қазіргі қоғамда шынайы еңбек пен маңдай тердің арқасында биік белестерге қол жеткізу мүмкіндігі екі талай. Жағалы ағасының қамқорлығын пайдаланудан бас тартқан Марио өз мүмкіншіліктерін саңлауы жоқ жертөледе дәлелдемек. Шындықты меңзеп, бір жертөленің кішкентай терезесінен сығалаған дұрыс па, әлде талайдың жолын кесіп, аяғынан шалып иеленген кең, жарық, ыңғайлы кеңседе отырған дұрыс па? Оның үстіне жауапсыз махаббатқа тап болған Марионың ендігі күйі қандай болмақ? Бір адамның басынан өтетін шым-шытырық жеңіс пен жеңілісті қойылымнан тамашалай аласыздар.
Қойылымның режиссері — ҚР еңбек сіңірген қайраткері НҰРЛАН ЖҰМАНИЯЗОВ.
Қазақшаға аударған — ЕРКІН ЖУАСБЕК.
Қойылымның бас кейіпкері — Әке бейнесінде ҚР еңбек сіңірген қайраткері БОРАНБАЙ МОЛДАБАЕВ,
Ана бейнесінде — ҚР «Жастар» Одағы сыйлығының иегері, танымал актриса — МАЙРА ОМАР,
Висенто рөлінде — ҚР еңбек сіңірген қайраткері, «Кузбасс» Құрмет Орденінің иегері ҚУАНДЫҚ ҚЫСТЫҚБАЕВ,
Марио бейнесінде — АСЫЛБЕК ҚАПАЕВ,
Сұлу да сымбатты ару Энкарнаны — АЙМАН КАРПСЕЙІТОВА ойнайды.
Қойылым ертең, 13 қаңтар күні кешкі сағат 18.30-да.