13 жасар алматылық Дана Әли Испаниядағы Voices of Costa Brava халықаралық байқауында Гран-при жеңіп алды.
«Джаз вокалы» аталымында Данаға тең келер әнші болмаған.
Байқаудың соңғы сайысы 8 қаңтарда өтті. Жас әншіміз Гран-приден бөлек «Эстрадалық вокал» аталымында бірінші орынға ие болды. Байқауда Дана Кристина Агилераның «Something’s got a hold on me», сонымен бірге Чак Джексон мен Марвин Янсидің «This will be» композициясын орындады. Айта кету керек, Дана Диана Шарапованың вокал мектебінің оқушысы.
Диана Шарапованың сөзіне қарағанда, оның мектебіндегі жұмыс еуропалық әдіске негізделген – адамдар алдымен ән салуға машықтанады, содан кейін теорияға көшеді.
– Вокалды шынайы сүйетін адам Вахрамеевтің теориясын да, Дубовскийдің гармониясын да тез ұғады деген сенімдемін. Бастысы тәлімгер бойынан ән айтуға деген сүйіспеншілікті, қызығушылықты ояту, – деді жас әнші.