Жаңа драмалық сериалдың басты кейіпкері – Сәуле есімді қыздың өз бақытын табу жолында қиындыққа толы сынақтардан өтуі мен қиын тағдыры жайлы баяндалады. Басты кейіпкеріміз жас кезінен бастап көптеген қиындықтардан өту жолында сынақтарға тап болып отырады. Көз жасын төгіп, түніле жүріп, көптеген кедергілерге қарамастан өзі бұрыннан армандаған мамандығын тәмәмдап, жетістікке қол жеткізген сәнгер болады.

Фильмде ауылдан шыққан қарапайым қыздан табысты сәнгерге айналу жолын Сәуленің бұрынғы күйеуіне жазган хаттарынан көре аламыз. Хикая желісінде Сәуле аяғы ауырлығына қарамастан, күйеуіне айтпай қалаға кетіп қалады. Сол кездегі қиындықтармен қоса жұмыс, баланы бағу мен асырау мойнына жүктеледі.

Кинотуындының әрбір жаңа сериясында көрермендер басты кейіпкерлердің бастарынан өткен сезімдерін бірге сезінуге мүмкіндігі туады. Алдағы уақытта Сіздерді махабат пен сатқындық, қателік пен өкініш, қуаныш пен қайғы бірге сабақтасқан алуан түрлі оқиғалар күтіп тұр.

«Қазақстан» арнасының көрермендері осындай әсерлі оқиғаның әрі қарай қалай өрбитіні және немен аяқталатыны жөнінде «Іңкәр жүрек» атты жаңа өмірлік хикаядан тамашалай алады.