2016 жылы саяхаттау арзанға түсетін елдер тізімін жасау барысында екі адамның бір тәулікке тұрақтанатын жерінің құны, тамақтануы мен көлікке жұмсалатын ақша сомасы ескерілген болатын. Skyscanner туристік қызметінің зерттеуі нәтижесінде жасалған бұл тізімге бірінші болып, Үндістан мен Индонезия кірді.
Үндістан мен Индонезиядағы бір күндік сапарына жұп орташа алғанда 40 доллар жұмсайды. Ал өте үнемшіл туристер мыңжылдық тарихы бар Үндістанға барғанында бұл соманы 20 долларға дейін үнемдеуі әбден мүмкін.
Ал Үнді елінің көршісі Непал мен Вьетнамды бір күн аралау үшін 45 доллар кетеді. Әрине, алдыңғы айтылған елдерге қарағанда айтарлықтай қымбат емес. Лаоста 55 доллар, ал Шри-Ланкада 60 доллар жұмсалады екен.
Біздің елімізбен іргелес Ресейге көрші елдерде де арзан демалуға болады. Атап айтқанда, Абхазияда бір тәулікте 65 доллар, Арменияда 70, ал Грузияда 80 доллар жұмсалатын көрінеді.
Орташа табысты адамның қалтасы көтере алатын еуропалық елдердің қатарында Сербия, Болгария, Черногория, Румыния және Венгрия бар. Осы елдерге жасалынатын бір күндік сапарға 70-85 доллар қажет.
Рейтингті құрастырғанда ұшақпен ұшуға төленетін ақша есептелмеді, деп жазады ТАСС.