Қасиетті Мекке шаһарында Ислам дініне арналған ерекше музей ашылатын болады. Әл-Харам мешітінен жеті шақырым қашықтықта орналасатын бұл музейдің жалпы аумағы 5600 шаршы метрді құрайды.
Музей Ислам дінінің тарихы мен Пайғамбарымыздың (с.ғ.с.) өмірі жайы баяндайтын болады. деп жазады muslim.kz.
Музей дизайнын Лондон қаласынан келген сәулетшілер сызған.
Музей бір уақытта мыңдаған келушіге қызмет көрсете алатын болады. Ғимарат ішінде дәріс залдары мен кітап дүкендері де орын алады. Сондай-ақ, ғимарат шатырындағы бақ ішінде серуендеп, мейрамханада тамақтануға болады.
Ғимараттың орама тәріздес баспалдақтарында Алла Тағаланың 99 есімі жазылған экспозиция орналастырылады.