Әйелдер арасындағы теннис қауымдастығының жаңартылған тізімі жарияланды. Юлия Путинцева WTA рейтингісінде Зарина Диясты баса озып, Қазақстанның бірінші ракеткасы атанды.
Австралиядағы теннистен өткен ашық чемпионатта (Australian Open) шеберлігін көрсете білген 21 жастағы Путинцева 12 сатыға көтеріліп, WTA рейтингісінің 64-орнына жайғасты.
Ал бұған дейін Қазақстанның бірінші ракеткасы мәртебесін абыроймен арқалап келген Зарина Дияс 12 сатыға төмен түсіп, 69 орынды місе тұтты. Отандасымыз Ярослава Шведова Аustralian Open-нен кейін 70-орыннан 83-орынға төмендеді.