Лондонда ханшайым Диананың құрметіне бақ ашылады. Бұл туралы ханзада Уильямнің ресми резиденциясы — Кенсингтон сарайында мәлімдеме жасалды.

Келер жылы тек қана британдықтардың емес, өзге де жұрттың сүйіктісіне айналған ханшайым Диананың өмірден озғанына 20 жыл толады. Ханшайымның есімін халық жүрегінде мәңгі сақтап қалу мақсатында ашылатын баққа Диананың аты беріледі, деп хабарлайды The Telegraph сайтына сілтемемен 24.кз.

Қазір осы мақсатпен құрылған жоспарды іске асыру жөнінен жұмыстар қолға алынды. Егер барлығы ойдағыдай болса, бақ 2017 жылғы тамызда ашылады.

Естеріңізге сала кетейік, Ханшайым Диана 1997 жылғы 31 тамызда Парижде көлік апатынан қаза тапқан болатын.