«Орталық фонтан» астаналық саябағында «Гүлдене бер, Туған ел!» атты жалпы ұлттық жастар марафон-эстафетасы бастау алды. Сондай-ақ, Астана қаласы бойынша «Жасыл ел» жастар еңбек жасақтарының жаңа маусымы ашылды. Шара Астана қаласы жастар саясаты мәселелері жөніндегі басқармасының қолдауымен «Нұр Отан» партиясы «Жас Отан» жастар қанатының ұйымдастыруымен өтті.

Эстафетаға «Жас Отан» ЖҚ мүшелері, «Жасыл ел» мен студенттер құрылыс отрядтарының сарбаздары, ЖОО және колледж студенттері, және де мектеп оқушылары қатысты.

Құттықтаулар мен музыкалық номерлерден кейін белсеңділер саябақ территориясын тазалап, көшеттер отырғызды.

Сенбіліктен соң жастар эстафетаны еліміздің өзге қалаларына жолдайтын  видео түсіріп, әлеуметтік желілерге орналастырды. Бұл игі бастама Қазақстанның барлық қалаларында өткізілетін болады.