Әсел Серікбайға дүниежүзілік шахмат федерациясының төсбелгісі Сыр өңірінде өтіп жатқан Қазақстан Кубогы бәсекесінің ашылу рәсімінде табысталды.
Оқушылар арасында Әлем, Азия чемпионы атанып үлгерген Әселдің болашағына мамандар бүгінде зор үмітпен қарайды.
Зерек ойлы қыз осыған дейін жеті мәрте ел біріншілігінде топжарған. Ол осындай жетістіктерінің арқасында халықаралық дәрежеге ФИДЕ шебері атанып отыр.