Ауыр салмақтағы WBA тұжырымының уақытша чемпионы қазақстандық боксшы Бейбіт Шүменов (16-2, 10 КО) 21 мамыр күні америкалық Джуниор Райтқа (15-1-1, 12 КО) қарсы жекпе-жек өткізеді.
Кездесу Лас-Вегастағы (АҚШ) The Cosmopolitan аренада өтеді. Жекпе-жек АҚШ-тың Showtime телеарнасында көрсетіледі.
Айта кетейік, отандасымыз бүгінге дейін 18 жекпе-жек өткізіп, 16-сында жеңіске жетсе (10 КО), 2 қарсыласына жол берген. Ал Джуниор Райт 17 кездесу өткізіп, 15-інде жеңсе (12 КО), өткен жылы Мәскеуде Рахим Чахкиевтен 8-раундта нокаутпен ұтылған, тағы бір қарсыласымен тең түскен.