2016 жылдың 20 мамырында Ресурстық орталық жастар саясаты саласындағы мемлекеттік әлеуметтік тапсырысты жүзеге асыру аясында 14 жастан үлкен жастарға арналған «Күйзеліс жағдайларынан шығу жолдары» атты семинар-тренингін өткізеді, деп хабарлайды қалалық жастар саясаты мәселелері басқармасының баспасөз қызметі.

Семинар-тренингтің мақсаты: күйзелістік жағдайлардың теріс ықпалдарынан қорғау үшін күйзеліске тұрақтылықты жоғарлату және психика ресурстарын күшейту, қатысушылардың белсенді өмір сүру ұстанымдарын жоғарлату.

SOS Астана балалар ауылының «Мен маңыздымын» атты Жастар Ресурстық Орталығы интернат мекемелерінің түлектеріне және қиын өмірлік жағдайларда қалған жастарға тегін түрде жеке заңдық, әлеуметтік-психологиялық кеңестер береді, топтық тренингтер, құқықтық мәселелер бойынша семинарлар, ақпараттық қызметтер ұсынады.

Семинар-тренингтің бағдарламасы «Күйзеліс кезінде психологиялық өздігінен реттеу қағидалары» атты дәрісті, «Түсті көңіл-күй» жобалық әдістемесін, топтық жаттығуларды, күйзеліске тұрақтылық деңгейін анықтауды, бойын еркін ұстауға және өмірлік белсенділікті жоғарлатуға арналған тест-релаксацияны, сонымен қатар бейне-фильмді қарау мен талқылауды қамтиды.