Бүгін өңір басшысы ҚР Әділет министрлігі мен ҚР Парламенті Мәжілісінің өкілдерінен құралған делегаттармен кездесті.
Кездесу барысында облыс әкімі мәртебелі қонақтарға Елбасының «100 нақты қадам» Ұлт жоспары аясында аймақта атқарылып жатқан жұмыстар жайын баяндады.

Өз кезегінде халық қалаулылары сот орындаушылары мен жергілікті полиция қызметкерлері бірлесіп жұмыс істеу қажеттігін атап өтті.

Оңтүстік Қазақстанға жұмыс сапарымен келген делегаттар жеке сот орындаушыларының жұмысымен танысып, жергілікті әділет департаменті мен облыстық соттың ұжымымен кездесу өткізді.

Сонымен қатар, бүгін аталған делегаттардың қатысуымен Бес институтционалдық реформаны іске асырудың «100 нақты қадамы» Ұлт жоспарындағы 27-қадамның атқарылуы бойынша жиын өтті.