2016 жылғы 3-8 маусым күндері Талдықорған қаласының «Жастар» Спорт сарайында өтетін ауыр атлетикадан ерлер мен әйелдер арасында Қазақстан Республикасының Чемпионаты Рио-де-Жанейрода өтетін ХХХІ жазғы Олимпиада Ойындарына іріктеу жарысы болмақ.

Жарысқа Қазақстан Республикасының ұлттық құрама командасының мүшелері, Олимпиада чемпиондары Илья Ильин, Светлана Подобедова, Майя Манеза, Зульфия Чиншанло, Әлем Чемпионаттарының жеңімпаздары мен жүлдегерлері Карина Горичева, Владимир Седов, Жазира Жапаргүл, Кирилл Павлов, Ниджат Рахимов және Азия Ойындарының жеңімпазы Маргарита Елисеева сынды мақтан тұтатын спортшыларымыз қатысады.

Жарыстың салтанатты ашылуы: 3 маусым күні сағ.15.00-де.

Жарыстар күнделікті сағат 11.00-де басталады.