Астанада татар және башқұрт ұлттарының «Сабантой» мейрамы тойланды.

Мерекені тойлауға еліміздің әр аймағынан, сондай-ақ Ресейден татар және башқұрт ұлтының өкілдері арнайы келді. Шара барысында «күреш» деп аталатын белбеу күресі, шелекпен жарысу, қол күресі, ойыншықты таңда сыңды  ұлттық балалар және ересектер ойыны өткізілді. Дәстүрдің тәртібі бойынша ең мықты палуанға жүлде ретінде тірі қой сыйланды. Ұлттық киімдерін киген татар және башқұрт ұлтының өккілдері салт-дәстүрлерін көрсетіп, ұлттық билерін билеп, ән шырқады. Биылғы жылы мерекелік концертті Екібастұз қаласының татар-башқұрт мәдени орталығы ұйымдастырды. Еліміздегі ұлыстар арасындағы достық пен ынтымақтың көрсеткіші болған бұл мерекеге жиналған жұрттың қарасы көп болды.

Автор: Шырақ Байкенова