Бүгін Талдықорғанда «Жас Ұлан» шатырлы лагерінің 4-ші маусымы ашылды. Лагерьдің ашылу салтанатына Талдықорған әкімі Бағдат Қарасаев қатысты.

«Барлықтарыңа демалысты жақсы өткізуді тілеймін. Өз кезегімізде біз шатырлы лагерьде сіздердің өз  уақыттарыңызды есте қаларлықтай өткізулеріңіз үшін қолдан келгенін жасаймыз»,  — деді Бағдат Қарасаев.

Шатырлы лагерьде бір мезгілде 200 бала демалмақ. 20 тамызға дейін барлығы  2000 бала демалады.  Оқушылардың күнделікті бағдарламаларында спорттық ойындар, кешке алау алдындағы жиын,  дискотека, командалық ойындар бар. Ойын-сауық бөлігінен басқа балалар үшін мүзейлерге, галереялар мен тарихи орындарға экскурсиялар ұйымдастырылады.

Төрт жыл бұрын ашылған шатырлы лагерь балалардың көңілінен шықты. Атап өту керек, маусымда мұнда 600 жетім, ата-ана қамқорынсыз қалған балалар, сонымен қатар көп балалы және тұрмыс жағдайы төмен отбасылардың балалары тегін демалады.