Қ. Қуанышбаев атындағы атындағы Мемлекеттік академиялық қазақ музыкалық драма театрында – «Сүрінген сүрбойдақ» комедиясы сахналанды.  Аталмыш спектакль театрдың XXV маусымының соңғы премьерасы.

Осетиялық драматург Асахмат Айларовтың «Келісімшарт бойынша қалыңдық!» туындысы негізінде ҚР еңбек сіңірген қайраткері, режиссер Әлімбек Оразбеков көрерменге ұсынып отыр. Қазақ тіліне тәжімалаған – Эльмира Макашева.

Бас кейіпкер орта жасқа келсе де серігін жолықтырмай, еркіндігін бағалап жүрген – Темкко. Оның абайсыз жасаған әрекеті қызық оқиғаға алып келеді. Нәтижесінде сүрбойдақтың үйіне нәзік әрі парасатты Дзерасса келеді. Екі ересек адамның қарым-қатынасы қалай өрбитіні сахналанады. Әдемі әзіл мен әртістердің кәсіби ойыны көрермендерді шат-шадыман күлкіге бөлегені сөзсіз.

https://www.youtube.com/watch?v=cmgfvl06Rd4&feature=youtu.be

Басты кейіпкер Темикко рөлінде – Мейрам Қайсанов, екінші құрамда – Ерлан Малаев. Көршісі Сиконы сахналайтын – Асылбек Қапаев, екінші құрамда – Боранбай Молдабаев.  Дзерассаны – Жанат Чайкина, екінші құрамда – Гүлбаршын Қылышбай сахналайды. Ал үкімет адамы Арсамагты – Олжас Жақыпбек, екінші құрамда – Жасұлан Ерболат ойнайды.

Автор: Шырақ Байкенова