Бүгін Талдықорған қаласында «Мерейлі отбасы» Ұлттық байқауының облыстық кезеңінің жеңімпаздары марапатталатын болады.
Алматы облысы комиссияның отырысында жүлдеден үміткер 8 отбасы таңдалды. Бұдан басқа 30 отбасы облыс әкімінің алғыс хаттары және ақшалай сияпаттарымен марапатталады.
Комиссияның шешімі бойынша ІІІ орын Талдықорған қаласында тұратын Қожахметовтер, Ескелді ауданынан келген Мейірбековтер және Қарасай ауданының Мамедовтер отбасыларына берілді. ІІ орынды Ұйғыр ауданынан келген Бағбаевтар, Сарқанд ауданында тұратын Білескелдиновтер, Еңбекшіқазақ ауданының Шоқпаровтар отбасылары жеңіп алды. Ал І орын Қапшағай қаласының Угнечевтер және талғарлық Ақанаевтар отбасыларына тағайындалды.
Алматы облысы атынан кезеңнің жеңімпаздары — Ақанаевтар мен Угнечевтер отбасылары Ұлттық байқаудың республикалық кезеңіне қатысатын болады.